Det er fire ulike delar av Camp Nordøyane:
- CN Leirskule
- Camp 8
- Camp Klar
- Camp Inspirasjon
For heile konseptet Camp Nordøyane er Haramsøy skule sitt motto “Sett og verdsett” og MOT sine verdiar grunnlaget for all samhandling.
CN Leirskule og Camp 8 er førebyggande tiltak for alle elevane når dei går i 7. og 8. klasse. Gjennom lagbyggande, aktiv læring bygg ein både godt klassemiljø og det overordna kommunelaget.
Dette føregår på Nordøyane i Haram, der elevane får prøve ut og bli kjent med lokal kystkultur.
Camp Klar er tilrettelagde tiltak for einskildelevar, for å auke grad av nærvær på skulen. Slik hjelp gir Camp Klar i tett samarbeid med heimen, nærskulen og andre aktuelle.
Camp Inspirasjon er ulike former for verdibaserte motivasjonskurs for både Unge MOTivatorar og lærarar frå inn- og utland (Erasmus+).
