Kommunen sitt nærværsteam tilrår kven som er aktuelle for dette tilbodet.
Camp Klar støttar elevar frå heile kommunen. Tiltaka kan gå føre seg på ulike stadar, alt etter kva som er mogleg å få til.
Alt føregår i tett samarbeid med eleven, heimen, nærskulen og ulike kommunale instansar. Ein samarbeider også med ulike lokale ressursar i Haram.
Støtta til eleven kan vere ulike praktiske tiltak knytt til eleven sine interesser. Det kan også vere meir teoretisk tilnærming knytt til skulefag, eller skuletrening saman med elevgrupper eller klassar.
Positiv endring føreset tolmod og tilpassing undervegs, og tillit mellom eleven og dei som på ulike måtar støttar utviklinga.
Viktige stikkord i arbeidet til Camp Klar:
- relasjonsbygging
- meistringsopplevingar
- styrking av sjølvkjensle
- sosial samhandling
- gradvis auke toleransevindauget for fagleg eksponering
- førebuing til VGS
- yrkesrettleiing
