Fakturering av kommunale gebyr

Skattesetelen blir sendt ut innan utgangen av februar. Du får tilsendt setelen via Digipost.

Eigedomsskatten blir fakturert saman med dei årlege kommunale gebyra, du får altså ikkje eigen faktura for denne. Faktura for kommunale gebyr og eigedomsskatt skal  betalast ove fire terminar og blir sendt ut fire gongar i året.

Ja, dette er totalbeløpet for heile året. Beløpet er delt i 4 terminar.

Eigedomsskattegrunnlaget bygger på faktaopplysningar som areal, byggeår og kva bygget blir brukt til, samt skjønnsmessige vurderingar.

NB! Det er viktig å understreke at eigedomsskattetaksering ikkje må forvekslast med tradisjonell verditaksering. Taksering i samband med eigedomsskatt er ein form for massetaksering som gir meir "grovkorna" vurderingar enn ved tradisjonell verditaksering. Skatteobjekta skal berre synfarast utvendig.

Du kan klage viss du kan dokumentere at taksten er for høg i forhold til antatt omsetningsverdi. Ved andre feil eller spørsmål, ber vi om at du tek kontakt med kommunen før du eventuelt sender inn ein klage. Dette kan til dømes vere faktafeil på areal eller kva bygninga blir brukt til. Klagefrist er 6 veker frå skattelista vert offentleggjort eller skattesetel vert sendt ut.

Eventuell klage skal vere skriftleg. Klagen skal sendast via det digitale skjemaet vårt:

Send inn klage på eigedomsskatt, kommunal takst

Meiner du at Skatteetaten sin bustadverdi (formuesgrunnlaget) er feil, må du kontrollere opplysingane Skatteetaten har om bustaden din: Primærareal (P-ROM), byggjeår, og bustadtype. Desse faktaopplysingane finn du under "Grunnlag for likningsverdi" i skattemeldinga. Husk å legge saman bustadsverdiane dersom det er fleire som eig bustaden saman.

Du kan eventuelt korrigere informasjonen sjølv i skattemeldinga. Endringar av slike faktaopplysningar vil normalt sett først få innverknad på eigedomsskatten året etter.

Les meir om dette på Skatteetaten sine nettsider.

Dersom du finn grunnlag for endring, og Skatteetaten endrar bustadverdien din, må du sjølv ta kontakt med oss i etterkant. Dette slik at vi får registrert endringane i systemet vårt.

Kommunen sender ut faktura på eigedomsskatt på fastlagde datoar. Den som står registrert som eigar på produksjonsdatoen for fakturaen, er dermed mottakar av denne. Dersom du nyleg har overtatt ein eigedom, kan det vere at du får ein faktura som tidlegare eigar burde vere ansvarleg for. Dette må du ta opp med meklar og tidlegare eigar.