Sommarles
Sommarles er ei nasjonal lesekampanje for barn frå 1.-7. klasse. Kampanjen har som mål å motivere barn til å lese av eigen lyst, og varer frå 1. juni til 31. august kvart år. For å vere med kan ein lese sjølv, høyre lydbok eller bli lest for. På nettsida sommerles.no kan ein registrere det barna les og oppnå digitale trofear, finne historier å lese, oppgåver og anna moro. Barna får poeng ut ifrå kor mykje dei les basert på alder, og når dei er kome til nivå 10, 20 og 30 kan dei hente premiar på biblioteket.
Gaming
Biblioteka ynskjer å by på tilgang til gaming-utstyr. Dette vil vere med på å utjevne forskjellar i samfunnet sidan alle då får tilgang på same utstyr uansett bakgrunn og familiesituasjon. I den nasjonale bibliotekstrategien er det også eit mål å styrke bibliotekas formidling av samlingane, med sikte på å nå nye brukarar. Derav også formidling av dataspel.
Haramsbiblioteka har VR-briller og diverse spelkonsollar som kan brukast av lånarane våre i opningstida og på spesielle gaming-arrangement. Utvalet vil variere frå bibliotek til bibliotek.
Eventyrstund/bokkino
Haramsbiblioteka har blant anna eventyrstunder og bokkinoar i løpet av året. Desse kan vere ope for alle eller bestillast for spesielle skuleklassar eller barnehagar.
Bokkasse
Biblioteket har eit fast tilbod om utlån av ”bokkasser” til bruk i undervisninga. Utvalet omfattar først og fremst skjønnlitteratur, men også noko faglitteratur dersom det er ønskeleg.
Antal bøker i bokkassene kan variere etter ønske og tal på elevar i klassen.
Lånetida på bokkasser er 90 dagar. Ta kontakt med biblioteket for meir informasjon.
Klassesett
Lærarar får sitt eige lånekort til bruk i skulen. Dette kortet kan ikkje nyttast til private lån. Den enkelte lærar er ansvarleg for bøkene som blir lånte til bruk i klassen. Tapte bøker må erstattast av skulen.
Biblioteket har til utlån eit utval av skjønnlitteratur i klassesett (25-30 eks.) og gruppesett (6-10 eks.). Utvalet omfattar titlar på bokmål, nynorsk og nokre på engelsk.
Klassesetta kan lånast av grunnskular og vidaregåande skular i Møre og Romsdal.
Søk i biblioteket etter klassesett og/eller gruppesett. Lånetida er 2 månader.
Dersom det er ønskeleg, kan biblioteka også bestille inn klassesett frå andre bibliotek. Ta kontakt for meir informasjon.
Barnas frøbibliotek
Biblioteka var med på eit prosjekt i 2023 som var sponsa av Møre og Romsdal fylkeskommune og Nasjonalbiblioteket. I den forbindelse vart det laga “Barnas frøbibliotek”-utstyrssekkar. Desse er tilgjengelege til utlån på biblioteka. Meir info finn du i bokbasen vår.
Sjå opningstidene for dei ulike biblioteka våre