Bibliofil
Bibliofilappen kan installerast på mobiltelefonar og nettbrett med Android og iOS, og du kan laste den ned frå Google Play eller App store.
Appen gjer det lett å finne fram til biblioteka sine tenester. Du har full tilgang til søk, reservering og lånarsider.
Med appen kan du også få lånekortet opp på skjermen, slik at du slepp å ha med det fysiske lånekortet ditt til biblioteket. Lånekortet i appen kan brukast på sjølvbeteningsautomatar og i skranken.
Start opp appen, vel bibliotek og logg inn på vanleg måte med lånenummer og PIN-kode frå ditt bibliotek. Du kan enkelt skifte mellom bibliotek, og appen gir tilgang til alle bibliotek som brukar biblioteksystemet Bibliofil.
Bookbites
Frå appen BookBites kan du låne fritt blant e-bøker og lydbøker utan å bevege deg utanfor dørstokken.
Logg inn med lånekort og PIN-kode (spør biblioteket dersom du ikkje finn koden din), så er du klar til å låne. Du kan låne opptil tre bøker samstundes i appen og elles reservere og lese så mykje du vil.
Appen er tilgjengeleg for både iOS og Android.
Filmoteket
På Filmoteket kan du låne filmar gratis ved bruk av nasjonalt lånekort og PIN-kode. Tenesta har vaksen- og barnefilmar av nyare dato, samt gamle favorittar og klassikarar. Utvalet oppdaterast jamnleg, så det kan løne seg å kikke innom etter nyheiter. På Filmoteket kan du låne opptil fem filmar i månaden.
Avisteneste frå Nasjonalbiblioteket
Les aviser frå Nasjonalbiblioteket på nett. Nasjonalbiblioteket har digitalisert ein stor del av norske aviser. Dei digitaliserte utgåvene er søkbare, noko som gjer det lettare og mindre tidkrevjande å leite og finne fram i avisene, dersom det er noko speisielt du er ute etter.
Biblioteket kan hjelpe deg med å skaffe tilgang til dei digitaliserte avisene hos Nasjonalbiblioteket. For å få denne tilgangen, må du søke og logge inn med BankID, MinID eller FEIDE, og så får du tilgang i åtte timar om gongen.
Kontakt biblioteket for å få meir informasjon om denne tenesta, og hugs å ta med deg BankID om du kjem til biblioteket for å få tilgang.
Tenesta er gratis.
Bokhylla
Bokhylla.no er ein netteneste som gir brukarar med norske IP-adresser tilgang til bøker utgjeve i Noreg. I tillegg kan ein søke etter digitaliserte aviser, bilete og lydopptak. Bokhylla er ein viktig del av arbeidet med å gjere Noregs kulturarv fritt tilgjengeleg. Bøker kan fritt søkast etter og lesast på nettsida, men bøker som framleis er opphavsrettsleg beskytta er ikkje tilrettelagt for nedlasting eller utskrift.