Søke, endre eller seie opp barnehageplass

Både søknad og all administrasjon av barnehageplassen skal skje i Føresettportalen.

Søk om plass, bytt plass eller svar på tilbod om plass her 

• Rett til barnehageplass gjeld i kommunen der barnet bur.  
• Barn utan barnehageplass som fyller eitt år i perioden januar - august har rett til plass i august det året dei fyller eitt år.  
• Barn utan barnehageplass som fyller eitt år i september, oktober eller november har rett til barnehageplass innan utgangen av den månaden dei fyller eitt år.  
• Barn utan barnehageplass som fyller eitt år i desember har rett til barnehageplass førstkomande august etter at dei har fylt eitt år.  
• Eldre barn utan barnehageplass har rett til plass i august.  
• Du kan søke om barnehageplass utan at barnet bur i Haram, men barnet må ha bustadadresse i Haram ved oppstart.  

•  Her finn du vedtekter for kommunale barnehagar i Haram kommune (PDF, 227 kB)
• Vedtekter for private barnehagar finn du på nettsida til barnehagane eller ved å kontakte barnehagen direkte.
  Sjå oversikt over private barnehagar

• Søknadsskjemaet om barnehageplass er elektronisk. Det er same søknadsprosess for kommunale og private barnehagar.  
• Du kan velje fire barnehagar i søknaden din. Barnehagane blir prioritert frå ein til fire, ved tildeling av plassar.
• Du må prioritere kva barnehage du ønsker at barnet ditt skal gå i – sjå oversikt over barnehagane i Haram.
• Ein kan søke barnehageplass gjennom heile året. Søknadsfrist for hovudopptaket er 1. mars.

Søk barnehageplass

Om du søker barnehageplass innan søknadsfristen for hovudopptak, som er 1. mars, vil du få svar i slutten av mars eller starten av april. 

Søker du etter 1. mars eller gjennom året, vil du bli sett på venteliste og få tildelt plass når barnehagen har ein ledig plass.

Du takkar ja til tilbod om barnehageplass på same stad som du søkte om plass, i Føresettportalen. Det er den av dei føresette som i søknaden er valt som mottakar av tilbod om plass og faktura, som kan svare på tilbodet.

Lenke til å svare finn du på framsida når du har logga deg inn.

Gå til Føresettportalen

All administrasjon av barnehageplass skal gjerast i Føresettportalen, same stad som du søkte om plass.

Søk barnehageplass

Du kan søke om å få bytte til ein annan barnehage. Du må då legge inn ein ny søknad i Føresettportalen. Barnet blir då sett på venteliste til barnehagen du ønsker å bytte til. 

Søk barnehageplass

Reglar og frist for oppseiing av barnehageplass, finn du i barnehagen sine vedtekter. Om barnet går i privat barnehage, sjå nettsida til barnehagen, eller kontakt barnehagen direkte. 

Om barnet går i kommunal barnehage, sjå vedtekter for kommunale barnehagar.

Du må rekne med å måtte betale for plassen i oppseiingsperioden.

Oppseiing av plass skal gjerast i Føresettportalen.

Seie opp barnehageplass

Det er ulike prisar for opphald i barnehage, alt etter kor stor plass ein har. Full plass kostar kr. 3000,- per månad. Mat kjem i tillegg. Har du fleire barn i barnehagen eller lav inntekt, kan du få redusert pris.

Her finn du meir informasjon om prisar og betaling av barnehageplass