Pris og betaling for kommunal barnehageplass

Her er oversikt over prisar for barnehageplassar frå 1. august 2025. Pris for mat kjem i tillegg.

Søskenmoderasjon

Foreldre med meir enn eitt barn i barnehage i same kommune har rett til søskenmoderasjon.

Søsken må bu i same hushaldning. Dersom foreldre har avtale om delt bustad, skal barnet ved berekning av søskenmoderasjon bli rekna som å vere fast busett hos begge foreldra. Delt bustad må dokumenterast.

Du vil få søskenmoderasjon uavhengig om barna går i ulike barnehagar eller i barnehagar med ulike eigarar. Søskenmoderasjon i barnehage vil bli berekna ut frå kva slags plasstype det enkelte barn har.

Søskenmoderasjon blir berekna slik:

• For første barn betalar ein ordinær pris.
• For barn nummer 2 får ein 30 prosent søskenmoderasjon.
• For barn nummer 3 og fleire får ein 100 prosent søskenmoderasjon.

Ein skal ikkje søke om søskenmoderasjon. Ordninga blir berekna automatisk og er ikkje inntektsbasert. 

Redusert foreldrebetaling

Dersom ein familie har lav samla årsinntekt, kan ein søke om redusert foreldrebetaling.

Trykk på "Søk om redusert foreldrebetaling og gratis kjernetid" for meir informasjon og lenke til søknadsskjema.

Ingen hushaldningar skal betale meir enn 6% av inntekta si for ein barnehageplass, avgrensa opp til maksimalpris. Inntektsgrensa er kr 128 333,- for heil plass.

Gratis kjernetid

Alle 2-, 3-, 4- og 5-åringar og barn med utsett skulestart som bur i hushaldningar med samla årsinntekt under kr. 692 465,- har rett til å få 20 timar gratis opphaldstid i barnehage per veke. Dette blir kalla gratis kjernetid. 

Dette må du vite før du søker

• Føresett som søker må bu på same folkeregistrerte adresse som barnet.
• Du må søke om redusert foreldrebetaling til kommunen du er folkeregistrert i, sjølv om barnet går i barnehage i ein annan kommune.
• Vedtak om redusert foreldrebetaling gjeld for inntil eitt barnehageår om gongen. Ein må difor søke på nytt for kvart barnehageår.
• Søknadar levert innan 1. august gjeld for heile barnehageåret, med mindre det framgår noko anna av vedtaket. 
• Du kan søke heile året. Vedtaket vil då gjelde frå første heile månad etter søknadstidspunktet. Vedtaket har ikkje tilbakeverkande kraft.
• Søknaden blir ikkje ferdigbehandla før tilstrekkeleg dokumentasjon er levert. 
• Alle søknadar blir vurdert individuelt.

Inntekt og definisjon av hushaldning

Inntekta som blir lagt til grunn er hushaldninga si samla brutto person- og kapitalinntekt (inntekt før skatt). Siste tilgjengelege skattemelding blir lagt til grunn for berekning av reduksjon. Om inntekta har endra seg sidan siste skattemelding må oppdatert inntektsdokumentasjon leggast ved søknaden.

Omgrepet “hushaldning” omfattar i tillegg til ektefeller og registrerte partnarar, også sambuarar. Med sambuar er meint to ugifte personar over 18 år som bur saman, og som har budd saman i eit ekteskapeleg forhold i minst 12 av dei siste 18 månadane, eller har felles barn. Om desse vilkåra er oppfylt skal altså inntekt til sambuar takast med sjølv om vedkomande ikkje er forelder til barnet.

Kostpengar (matpengar) kjem i tillegg til foreldrebetalinga.

Endring i inntekt

Ved vesentleg og varig endring i hushaldninga si inntekt i løpet av året skal det leverast ny søknad med oppdatert inntektsdokumentasjon. Med vesentleg og varig endring meiner ein mellom anna stort inntektstap som følge av langvarig arbeidsløyse, endring i samansetninga til hushaldninga eller liknande.

Søknadsskjema

Søk om  redusert foreldrebetaling i barnehage og SFO

I kommunale barnehagar betalar du ikkje for barnehageplassen i juli. Private barnehager har eigne reglar når det gjeld dette. 
Les Haram kommune sine vedtekter for kommunale barnehagar (PDF, 227 kB) 

Barnehageplassen forfell til betaling den 20. kvar månad. Om du ikkje har oppretta e-faktura eller avtalegiro, blir faktura sendt til di adresse i folkeregisteret. Det er kundenummer som er e-faktura id, og kundenummeret står oppe på høgre side av fakturaen. 

Du må betale frå den datoen barnet har fått tildelt plass i barnehagen. 

Kva skjer om du ikkje betalar for barnehageplassen?

Dersom betalinga ikkje er i orden, vil ikkje barnet få behalde plassen. Vi sender varsel etter første månad med manglande betaling. Dersom det uteståande beløpet IKKJE blir betalt innan fristen, sender vi oppseiing av barnehageplassen.