Tove Laila-Bjerke, Eva Ulla Myren og Ingvild Haram ønsker alle ungdommar i Haram velkomen til UKM i mars
Haram kommune
I 2024 vart det av ulike årsaker ingen UKM-arrangement i Haram. Men i år er alt lagt til rette for ei helg full av ung kultur.
Tove-Laila Bjerke, Eva Ulla Myren og Ingvild Haram er nokre av dei som står i bresjen for årets UKM Haram, og som natuleg nok ser ekstra fram til arrangementet.
- Vi er godt i gang med planlegging av UKM-helga, og vi gler oss til at vi forhåpentlegvis klarer å fylle ID-huset med song, dans, kunst og alt i mellom der, når arrangementet går av stabelen i mars, fortel dei.
Kva er UKM?
UKM står for Ung Kultur Møtast, og skal gi ungdom mellom år ein plass å vise fram det dei driv på med! Rockeband, dikt, trylling, triksing, song, hip-hop, dans, folkedans, teater, handarbeid, foto, design, - kan det visast fram på ei scene eller ei utstilling kan du delta på UKM! Du kan delta åleine, i lag med ein venn, eller i ei gruppe.
- UKM er ein plass for å møte andre, ha det gøy, få inspirasjon, bli trygg, og øve seg på å stå på ei scene eller delta på ei utstilling, seier Ingvild Haram. - Ingenting er for bra eller dårleg til å delta!
- I Haram er påmeldinga open for ungdom mellom 10-20 år. Alle som deltar vil få tilbakemelding frå eit fagpanel, med råd og tips om korleis ein kan utvikle seg, forklarar Tove-Laila Bjerke. Ho jobbar til dagleg ved Ingebrigt Davik-huset, og er koordinator for UKM Haram. - Nokre bidrag vil bli valde ut av fagpanelet til å representere Haram på ein fylkesfestival for Møre og Romsdal. Deltakarar som skal delta i fylkesfestivalen må fylle 13 år i 2025.
UKM-damene vil likevel gjerne ha med deltakarar under 13 år i det lokale arrangementet, og er heilt einige i Ingvild sin kommentar: - For oss er alle deltakarane like viktige.
- For å kome til fylkesfestivalen til UKM, må du fylle 13 år i 2025, fortel Tove-Laila Bjerke. Ho jobbar til dagleg ved Ingebrigt Davik-huset, og er koordinator for UKM Haram. - Men alle barn og unge som er fødde i 2015 eller seinare er hjatleg velkomne til å vere med i det lokale arrangementet. Alle som deltar vil få ei tilbakemelding frå fagpanelet vårt, med tips og råd til korleis ein kan utvikle seg vidare.
Forestilling, utstilling og workshop
UKM Haram 2025 går altså av stabelen på Ingebrigt Davik-huset søndag den 16. mars. Då får deltakarane vise seg fram både frå scena og i utstilling.
Laurdag den 15. mars er det også planlagt for kreativ workshop for alle som har lyst å vere med.
- Kva type workshop det blir er ikkje heilt bestemt enno. Vi legg ut informasjon på den lokale UKM-sida så snart vi har fått spikra dette, seier Eva Ulla Myren og avsluttar med ei oppfordring til alle ungdommar der ute:
Driv du på med noko som kan stillast ut i ei utstilling eller visast fram på ei scene? Meld deg på UKM og vis kva du kan!
Lyst til å vere med som ung arrangør?
Om har du ikkje lyst til å vise fram noko på scena, kan du melde deg på som ung arrangør.
- Vi vil gjerne ha med ungdommar som teknikarar, konferansierar og fotografar/filmskaparar, fortel Tove-Laila. Alle som melder seg på i desse kategoriane vil få opplæring før arrangementet, du treng ikkje å kunne noko på førehand.
Påmelding
Du kan melde deg på UKM Haram, både som deltakar eller arrangør, på nettsida til UKM Haram:
Meld deg på UKM Haram her
Dersom du har spørsmål rundt arrangementet kan du kontakte Tove Laila Bjerke på telefon 40 85 35 80 eller e-post tove.laila.bjerke@idhuset.no.
Vi gler oss til UKM-fest i Haram igjen, og håpar å sjå nettopp DEG der! Velkomen skal du vere!