Det kom inn heile 36 søknader, med eit totalt søknadsbeløp på kr 3 461 253,-. Fire av søknadane blei ikkje vurderte, då tre av dei kom inn etter fristen, og ein kom frå søkar utanfor det geografiske området til fondet.
Det var ei jamn fordeling av søkarar frå alle dei fire øyane som ligg innanfor det geografiske området som blir påverka av vindkraftverket.
-Vi har fått inn mange og svært gode søknader, også søknader som gjeld næringsutvikling, seier Vebjørn Krogsæter, styreleiar i Haram vindkraftfond. - Desse søknadene har vi prioritert, og vi er særleg glade for å kunne gi tilskot til lokal kunstnæring.
Auka potten for utdeling til 800 000 kroner
På grunn av fleire gode søknader valde styret i vindkraftfondet å auke det totale tildelingsbeløpet frå kr 650 000 til kr 800 000,-
Midlane frå vindkraftfondet skal i hovudsak nyttast til ulike prosjekt som fremje kultur, næring og ulike fritids- og friluftstilbod.
I 2025 er midlane fordelt slik:
- Kr 200 000,- til tiltak retta mot barn og unge
- Kr 600 000,- til næringsutvikling, frilufts-, fritids- og kulturtilbod.
Tildeling for 2025
I styremøte den 10. april 2025 gjorde styret i Haram vindkraftfond vedtak om fordeling av årets midlar.
Søknader som ikkje nådde opp i år, vert oppmoda til å søke igjen neste år.
Utdeling av midlane skjer i arrangement i Bankvegen 2 på Haramsøy, onsdag 29. april kl 19.00.
I 2025 er midlane frå vindkraftfondet fordelt slik:
Her kan du lese vedtektene for Haram vindkraftfond (PDF, 125 kB)