Tid for å søke barnehageplass

Det nye barnehageåret startar 1. august 2026. For å bli med i hovudopptaket med fordeling av plassar, må du ha søkt innan 1. mars.

Bord med raud og kvitruta duk. Barnebøker ligg oppå. - Klikk for stort bilete Haram kommune

Søknader som kjem inn etter fristen, vil bli behandla løpande dersom det er ledige plassar. 

Les meir om korleis du søker barnehageplass og korleis opptaket føregår

Søknad

Det er felles søknad og opptak til både private og kommunale barnehagar. Du må søke elektronisk via Føresettportalen, her må du logge inn med ID-porten. Søknadsskjema finn du under fanen “barnehage”.

Gå til søknad om barnehageplass

Hovudopptaket skjer i starten av mars, og tilbod om plass blir sendt ut i løpet av mars månad.

Informasjon om barnehageplass og utbygging i Tennfjord

Tennfjord barnehage skal i gong med ei planlagt utbygging for å møte det aukande behovet for barnehageplassar i området. Fram til det nye bygget står klart, vil vi tilby barnehageplass i midlertidige, eigna lokale på Vatne. Kommunen vil kome tilbake med informasjon om kva tidsrom dette vil gjelde. Tilbodet følger dei same pedagogiske planane og kvalitetane som i den ordinære barnehagen, og vi ser fram til å ta imot nye barn og familiar. Ta kontakt med styrar Gro Olsen Jenssen ved spørsmål.
 

Barnehagetilbodet 

Her finn du oversikt over alle barnehagane i Haram.