Markus Spiske/Unsplash
Fristen for å søke om barnehageplass for barnehageåret 2024/2025 er no ute, og kommunen har gått gjennom alle innkomne søknader.
Alle med rett til plass får eit barnehagetilbod
Den 21. mars avgjer Haram kommunestyre om Hildre barnehage og Utigarden barnehage As skal driftast vidare. På grunn av den politiske behandlinga av dei to sakene er det ei forseinking i vidare arbeid med barnehageopptaket.
Vi vil presisere at uavhengig av kva avgjersler kommunestyret tar i desse sakene, vil alle barn med rett til plass få eit barnehagetilbod i kommunen frå 1. august.
Dette gjeld også dei som har plass og har søkt om plass ved Utigarden barnehage og Hildre barnehage.
- Rett til barnehageplass gjeld i kommunen der barnet bur.
- Barn utan barnehageplass som fyller eitt år i perioden januar - august har rett til plass i august det året dei fyller eitt år.
- Barn utan barnehageplass som fyller eitt år i september, oktober eller november har rett til barnehageplass innan utgangen av den månaden dei fyller eitt år.
- Barn utan barnehageplass som fyller eitt år i desember har rett til barnehageplass førstkomande august etter at dei har fylt eitt år.
- Eldre barn utan barnehageplass har rett til plass i august.
- Du kan søke om barnehageplass utan at barnet bur i Haram, men barnet må ha bustadadresse i Haram ved oppstart.
Når får eg svar på søknaden min?
Plassering av barn startar 22. mars, og kommunen sender ut tilbod via føresettportalen 2. april.
Gå til føresettportalen