Farevarselet som gjeld vind er onsdag ettermiddag nedjustert til oransje nivå, og fare for skade og hendingar som følgje av vêret er reduserte. Yr.no melder om at oransje farevarsel varer fram til klokka 04.00 natt til torsdag.
Oppmodinga om avlysing av fritidsaktivitetar onsdag står ved lag, det same gjeld stenging av kommunale bygg brukt til fritidsaktivitetar. Aktivitet kan gjenopptakast frå torsdag.
Ordinær drift i kommunale tenester frå torsdag 1. februar
Barnehagar, skular og andre kommunale tenester vil vere opne og ha ordinær drift frå torsdag morgon.
Beredskap
Kommunen har framleis tilsette i beredskap. Ved endringar i vêrprognosar eller andre tilhøve vil ny informasjon kome. Følg med her på kommunen si nettside eller Haram kommune på Facebook.
Følg med på vêrvarselet
Her kan du sjå oppdaterte meldingar frå Meterologisk institutt
Treng du å melde om feil som følgje av ekstremvêret?
Om du treng å melde om feil som gjeld veg, vatn eller avløp kan du gjere dette via meldingstenesta vår.
Meld inn feil på tekniske tenester her
Ved behov for å melde om akutt skade på kommunale vegar eller bygningar, og det hastar å kome i kontakt med oss, kan du ringe telefonnummer 94 18 85 83
Tilrådingar så lenge ekstremvêret pågår
Haram kommune deler tilrådingane som nasjonale styresmakter gir. Dette er:
- Hald dykk inne
- Følg råd frå beredskapsmyndigheiter
- Om du MÅ køyre, følg råd frå Statens vegvesen og sjekk vegmeldingar (175.no)
- Følg med på Varsom.no for oppdateringar om vêrsituasjonen
- Følg råd og sjekk status frå transportaktørar
- Gjer heimen klar for eit potensielt lengre straumbrot
- Behov for beredskap skal vurderast fortløpande av beredskapsaktørar
- Vis varsemd ved ferdsel i strandsona og på sjøen
- På førehand vurder tiltak for å avgrense skade
Ekstremvêret kan gi følgjande konsekvensar
- Det er farleg å vere utandørs, og det er venta uvanleg stor skade på bygningar, infrastruktur, skog og straumnett
- Stor fare for innstillingar av flyavgangar, båtar og annan transport
- Bruer kan stengjast
- Takstein og takplater blæs av hus og bygningar
- Mange reiser kan få mykje lenger reisetid
- Straumforsyninga vil bli betydeleg påverka
- Mange vegar kan bli stengt på grunn av tre eller andre objekt i vegbana
- Snøfokk i fjellet gir redusert sikt
- Kolonnekøyring og/eller stengde vegar er forventa
- Høge bølger kan gi skade på infrastruktur og bygningar i strandsona