Ny runde med Tankevirus-kurs

tankevirus.no

Kurset Tankevirus er utvikla av norske psykologar og forskarar, og er meint brukt som førebygging og tidleg behandling av lette til moderate psykiske plagar.  

I dette meistringskurset blir negative tankar presentert som ulike tankevirus som kan behandlast med psykologiske vitaminar, og det gir deltakarane moglegheit til å lære teknikkar som kan betre den psykiske helsa.

Kurset har vore eit populært tilbod i heile landet, og det vann Helseprisen i 2016.

Kven passar kurset for?

Tidligare trudde ein at personar med psykiske plagar skilde seg frå ”normale folk”, men nyare forskning har vist at dei same tankeprosessane går igjen i oss alle, berre i ulik grad.

Dette kurset er difor for alle – frå deg som slit med angst eller depresjon, til deg som ønsker å lære meir om korleis psykologi påverkar oss i kvardagen.

Kurshaldarane (f.v.) Elisabeth Leine, Tove G. Haukeberg, Iris Ulvestad ønsker velkomen til Tankevirus-samlingar i Haram

Målet med kurset - kva lærer du?

I løpet av dei tre kurssamlingane ønsker vi å gi deg som deltakar

• kunnskap om normalfungering og kor vanleg det er å ha negative tankar. Du lærer at tankar i seg sjølv er harmlause, det er korleis vi reagerer på tankar som potensielt kan gjere  oss sjuke.
• kunnskap om det psykologiske immunforsvaret, og om korleis det påvirkar psykisk helse. Du lærer også om korleis du skal ta vare på det psykologiske immunforsvaret ved å lage gode rammer for deg sjølv.
• kunnskap om ulike tankevirus, og trening i å identifisere dei hos deg sjølv.

• kunnskap om at ved hjelp av psykologiske vitaminar kan du lære hensiktsmessige måtar å forhalde deg til tankane dine, slik at du i større grad kan fungere, også i periodar med mykje negative tankar.

Praktisk informasjon

Kurset går over tre samlingar, kvar samling varer i om lag 75 minutt. I haust tilbyr vi to kursrunder:

Veke 39-40

• Tirsdag 23. september kl. 14.00-15.30 
• Torsdag 25. september kl. 14.00-15.30 
• Måndag 29. september kl. 14.00-15.30 

Veke 48 og 49

• Tirsdag 25. november kl 10.00-11.30
• Torsdag 27. november kl 10.00-11.30
• Måndag 1. desember kl 10.00-11.30

Det er 8-10 plassar per kurs, og du bør kunne delta på alle tre kurssamlingane for at du skal ha maksimalt utbytte. Kurset blir halde i Kulturstova på Ingebrigt Davik-huset i Brattvåg. Merk at ved for få påmeldingar vil kursa bli avlyste.

Kursa er gratis.

Påmelding

Påmeldinga skjer etter “første mann til mølla"-prinsippet. 

Du kan sende e-post med påmelding og/eller spørsmål rundt kurset til ein av kurshaldarane: 

• Elisabeth: Elisabeth.Bjordal.Leine@haram.kommune.no
• Iris: Iris.Ulvestad@haram.kommune.no 
• Tove: Tove.Gundersen.Haukeberg@haram.kommune.no

Velkomen skal du vere!