Deltakarar i årets første møte i politirådet i Haram, f.v. politikontakt Magnus Aaning Buntemeyer, fungerande politistasjonssjef Nordre Sunnmøre Politistasjon Karl Idar Vik, Politimeister i Møre og Romsdal Elin Anja Drønnen, ordførar Vebjørn Krogsæter, kommunedirektør Anders Norvald Hammer og SLT-koordinator Camilla Longva Larsen
Haram kommune
Møtet i Haram var det andre politirådet ho besøkte på si rundreise for å bli betre kjent med kommunane i fylket.
Politirådet – eit viktig samarbeid
Politirådet er eit formalisert samarbeid mellom kommunen og politiet. Målet er å styrke det lokale arbeidet med kriminalitetsførebygging, beredskap og samfunnstryggleik gjennom god informasjonsdeling og felles problemforståing. Rådet møtast fire gongar i året, og faste deltakarar er ordførar, kommunedirektør, politistasjonssjef, politikontakt og SLT-koordinator.
Fokus på tryggleik og førebygging
Eit sterkt samarbeid mellom politi og kommune er avgjerande for eit trygt lokalsamfunn. I arbeidet med totalberedskap er også næringslivet og innbyggarane viktige partnarar.
I møtet presenterte politimeisteren politiet sitt syn på dagens situasjon innan samfunnstryggleik og førebyggande arbeid, og peika på viktige satsingsområde framover. Haram kommune opplever eit godt og tett samarbeid med lokalt politi, og politimeisteren uttrykte eit klart ønske om å vidareutvikle dette samarbeidet med kommunane i fylket.
Vidare la også ordførar og kommunedirektør fram status i Haram kommune, og politirådet vedtok prioriterte satsingsområde for 2026.
Vi takkar både politimeisteren og hennar medarbeidarar for besøket, og ser fram til eit godt og konstruktivt samarbeid med politiet vidare framover.