Den andre skulen som er nominert frå vårt fylke er Allanengen skole i Kristiansund kommune.
Haramsøy skule
Sterke kandidatar nominert frå Møre og Romsdal
Det er statsforvaltarane som nominerer skular til prisen. I ein artikkel på nettsida til statsforvaltaren i Møre og Romsdal får dei to kandidatane ros for arbeidet sitt.
– Begge skulane viser korleis ein kan arbeide langsiktig og heilskapleg med likeverd og inkludering, seier underdirektør Maren Ørjasæter hos Statsforvaltaren i Møre og Romsdal. – Dei er gode døme på skular som set elevane sitt beste i sentrum, og som bygg fellesskap gjennom samarbeid, medverknad og respekt.
Sett og verdsett - eit motto omsett i praksis
Haramsøy skule sitt motto er “Sett og verdsett”. Mottoet har stort fokus i kvardagen ved skulen, og rektor Kenneth Ulla er med rette stolt over nominasjonen dei no har fått.
- Det at Statsforvaltaren nominerer Haramsøy skule til denne prisen er stas! Vi ser på det som ei anerkjenning av at vi over tid har jobba systematisk med fokus på å skape eit trygt og godt skulemiljø.
Kenneth Ulla, rektor
I nominasjonen av Haramsøy skule skriv statsforvaltaren mellom anna dette:
"Haramsøy skule er ein kombinert 1.–10.-skule med 127 elevar frå alle Nordøyane. Skulen har i fleire år arbeidd systematisk med å skape eit trygt og inkluderande miljø, der alle elevar skal oppleve fagleg og sosial meistring.
Skulen har innført tiltak som jamlege elevsamtalar, samarbeid på tvers av klassetrinn, arbeid med MOT og prosjektet «UngMotivator», der eldre elevar er rollemodellar for dei yngre. Haramsøy er også ein dysleksivennleg skule og deltek i fleire nasjonale prosjekt.
Gjennom prosjektet Camp Nordøyane har skulen utvikla fleire tiltak for å styrke inkludering, meistring og fellesskap – både i skulen og i lokalsamfunnet. Elevundersøkinga viser gode resultat."
Om Dronning Sonjas skolepris
Hennar Majestet Dronning Sonja
Jørgen Gomnæs / Det kongelige hoff
Dronning Sonjas skolepris vart etablert i 2005, etter eige initiativ frå Hennar Majestet Dronninga. Prisen blir delt ut annakvart år, og skal gå til ein skule som har utmerkt seg ved å praktisere likeverd og inkludering.
Utdanningsdirektoratet administrerer arbeidet med Dronning Sonjas skolepris og har oppnemnd ein jury som kårer vinnaren.
Prisutdeling med kongeleg besøk
Dronning Sonjas skolepris 2025 blir delt ut til hausten. Prisen består av eit diplom, ein pengepremie på 250.000 kroner og eit trykk med tittelen "Vekst" laga av Hennar Majestet.
Alle nominerte skular får diplom som ei anerkjenning for innsatsen.
Fram til 2021 stod Dronninga sjølv for utdeling av prisen ved eit besøk på vinnarskulen, men frå 2023 er det H.K.H. Kronprins Haakon som har teke over stafettpinnen. I likheit med mor si, har Kronprinsen eit stort engasjement for barn og unge sine oppvekstvilkår.
Vi gratulerer Haramsøy skule med ein gjev nominasjon, og kryssar fingrane for kongeleg besøk til hausten!