Haram formannskap har oppretta eit styre som skal tildele midlane. Styret er leia av ordførar.
Kven kan søke?
Tilskot frå vindkraftfondet skal gå til samfunnsnyttige føremål i dei områda som blir påverka av vindkraftverket.
Lag, organisasjonar, foreiningar, einskildpersonar eller andre grupperingar som høyrer til det geografiske området Lepsøy, Haramsøy, Flemsøy/Skuløy og Fjørtoft kan søke om midlar.
Kva kan det søkast tilskot til?
Midlane skal i hovudsak nyttast til ulike prosjekt som vil fremje kultur, næring og ulike fritids- og friluftstilbod. Det blir normalt ikkje gitt støtte til dagleg drift av lag og organisasjonar.
I 2025 skal midlande fordelast slik:
- Kr 200 000,- til tiltak retta mot born og unge
- Kr 450 000,- til næringsutvikling, frilufts-, fritids- og kulturtilbod
Utdeling av midlane
Etter tildeling vert midlane overrekt ved ei formell utdeling. Dersom laget/organisasjonen eller personen som har fått tildelt midlar ikkje er til stades under utdelinga, vil midlane ikkje bli utdelt men bli omfordelt ved neste tildeling. Dette er i samsvar med gjeldande retningslinjer og i tråd med vedtak gjort av styret i Haram vindkraftfond.
Sjå retningslinjene for Haram vindkraftfond (PDF, 125 kB)
Korleis søke?
Søknad må skje via digitalt søknadsskjema.
Søk om midlar frå Haram vindkraftfond
Søknadsfrist er 9. mars 2025
Rapportering
Dei som får støtte frå vindkraftfondet skal rapportere for bruk av dei tildelte midlane. Dette kan gjerast via e-post til postmottak@haram.kommune.no.
Rapporten skal innehalde ei enkel oversikt over korleis midlane er nytta, og gjerne bilde frå prosjektet.
Frist for å sende inn rapport er 31.12.2025.
Kontakt
Ved spørsmål rundt søknaden kan du ta kontakt med næringssjef Inger Synnøve Remme: