Bakgrunn
Kommunestyret vedtok i møte den 07.12.2023 i sak 030/23 forskrift om gebyr for private planar, byggje- og delesakshandsaming, oppmåling og eigarseksjonering gjeldande frå 01.01.2024.
Etter å ha brukt forskrifta ei tid ser vi at det er behov for nokre endringar for å justere forskrifta. Den nye forskrifta skal sikre rettferdige gebyr som speglar kommunen sin ressursbruk i kvar sakstype.
Forslaget som no ligg føre er meir oversiktleg og enklare å handtere både for administrasjonen og innbyggarane, samstundes som at prinsippet om sjølvkostinndekning vert oppretthalde.
Dette er dei viktigaste endringane i forslaget til ny forskrift:
- Innføring av eit nytt punkt §1-10 om urimeleg gebyr, justering av § 4-4 (gebyr for oppmålingsforretning). Her er det er teke med ei presisering av gebyr for oppmåling av landbrukseigedomar og eigedomar til allmennyttig formål, samt rein kontorforretning.
- I § 4-5 (rabattar) er det føreslått justerte gebyr for samtidig oppmåling av fleire tomter eller eigarseksjonar.
Dei andre endringane er av tekstmessig karakter.
Dokument i saka
Merknader til høyringa
Spørsmål, innspel og merknader til saka kan sendast Haram kommune på ein av følgande måtar:
- På e-post til postmottak@haram.kommune.no
- Med post til Haram kommune, Postboks 33, 6282 Brattvåg
Ansvarleg for høyringa: Tenesteområde PLAN
Høyringsfrist: 1. oktober 2025