Haram kraft
Bakgrunn
NVE har motteke oppmoding om å endre lysmerkinga av vindturbinane i Haram vindkraftverk på Haramsøya. Den foreslåtte endringa inneber å redusere tal hinderlys frå 8 til 6, og endre lyssettinga frå blinkande lys til behovsstyrt tenning eller faste lys.
Haram kommune har blitt beden om å kome med synspunkt på saka som gjeld blinkande eller faste lys på vindturbinane, og ønsker å høyre frå lokalbefolkninga før ein uttale vert gjeve.
Kommunen har fått informasjon om at eit byte frå blinkande til faste lys vil medføre ein vesentleg kostnad for konsesjonæren. Når det gjeld behovsstyrt lysmerking, finst det ikkje noko vindanlegg i dag, som har eit godkjent system for dette.
Konkret vil difor spørsmålet dreie seg om kva som er mest tenleg for omgivnadane, - blinkande eller faste lys.
Her finn du meir informasjon om bakgrunn og NVE si vurdering i saka (PDF, 62 kB)
Innspel til om det bør vere blinkande eller faste lys på vindturbinane på Haramsøya må sendast til kommunen. Innspela vil bli lagt fram for planutvalet, som gir ein samla uttale frå Haram kommune.
Innspel til saka
Spørsmål, innspel og merknader skal sendast Haram kommune på ein av følgande måtar:
• Send som elektronisk høyring
• Med post til Haram kommune, Postboks 33, 6282 Brattvåg
• På e-post til postmottak@haram.kommune.no
Merk at innspelet ditt blir offentleg tilgjengeleg, ikkje send sensitive opplysningar.
Ansvarleg for saka: Tenesteområde Plan
Frist for å sende innspel: 25. september 2025