Vedlikehald av kommunale vegar om sommaren

Lurer du om vegen er ein kommunal-, fylkes- eller riksveg? På Statens vegvesens nettsider finn du vegkart med oversikt.

Dette kan du forvente av oss

• Vi klipper siktsoner og langs kommunale vegar og gang- og sykkelvegar 1-2 gongar i året, avhengig av økonomi og vekstsesong.
• Skog og kratt som veks langs det kommunale vegnettet blir felt ved jamne mellomrom.
• Gangfelt og annan trafikkmerking blir gjennomførte på sommerhalvåret.
• Trafikkskilt har rutinemessig ettersyn og skilta blir skifta ved behov .
• Hol i vegbana blir lappa.
• Slitasje på vegar blir reparert etter budsjett.
• Gatesluk i det kommunale vegnettet blir tømde, stikkrenner blir reinsa og grøfting blir gjennomført etter oppsette rutinar og ved behov.
• Jamleg rutinemessig ettersyn av gatelys. Mørke lamper blir bytta. Reparasjonar blir utførte i prioritert rekkefølge. Det er Nordvest Nett som står for utføring av dette arbeidet.
• Brøytestikker blir sett ut i løpet av oktober og blir som hovudregel samla inn i april året etter.

Dette forventar vi av deg

• Du ferdast i trafikken i samsvar med trafikkreglane.
• Du ferdast omsynsfullt, aktsamt og varsamt slik at ikkje fare oppstå.
• Du lèt ikkje buskar, tre eller kratt vekse ut over eigedomsgrensa, slik at sikt og framkomme for trafikantane og vegvedlikehaldet hindrast - Les meir om vegetasjonsrydding hos Statens vegvesen
• Du koster eller spyler ikkje sand, grus, lauv eller anna ned i gateslukane eller avløpskummar.
• Du held ved like stikkrenner til dømes under avkøyrsler.

Meld frå om feil

Har du oppdaga feil eller manglar ved kommunal veg? Meld frå til oss i linken nedanfor. Der kan du også sjå feil andre har meldt inn og følge status i saka. 

Meld om feil

Vil du vite meir?

Vedlikehald av kommunale vegar

Slik er vinterdrift av vegar