Kvar kjem vatnet frå?
Ulvestadvatnet er hovudvasskjelda til det kommunale vassverket på Vatne. Dette leverer vatn til abonnentar på Vatne, Tennfjord, Slyngstad og til Hellestranda private vassverk. Her er Grytastranda private vassverk reserveforsyning.
Delar av Hildrestranda og Nordøyane får også vatn frå det kommunale vassverket. Haram kommune kjøper her vatn frå Brattvåg private vassverk.
Slik tek vi vare på drikkevatnet vårt
Vi treng reint drikkevatn. Difor har vi mange tiltak for å hindre forureining av drikkevasskjeldene.
Det er lov med på alminneleg ferdsel langs drikkevasskjeldene, men nokre aktivitetar er forbode for å verne vannforsyninga.
Det er ikkje lov med bading, fisking, bruk av båt, telting, camping og overnatting med hengekøye og liknande ved nokon av drikkevasskjeldene våre. I tillegg har kvar drikkevasskjelde eigne reglar. Dei finn du under her.
- Det er forbode å sette opp nye bygningar eller utvide/byggeom eksisterande bygningar innanfor området.
- Det er forbode med anlegg av vegar, grøfter og liknande innanfor området.
- Det er forbode å deponere avfall, lagre olje- og kjemiske produkt og sleppe ut kloakk/spillvatn innanfor området.
- Det er forbode å ha organiserte teltleirar i nedbørsfeltet. Innanfor eit område på 100 meter frå Ulvestadvatnet si bredde er det ikkje lov å slå opp telt eller leir.
- Det er forbod mot stemne av ein kvar art, her under militær aktivitet.
- Grunneigarar og eventuelle andre rettshavarar har høve til å fiske i vatnet. Robåt kan nyttast til dette formålet. Anna bruk av båt er berre lov for drift, vedlikehald og kontroll av vassverket sitt anlegg.
- Det er forbode med opphjelp av fiske ved gjødsling og utsetting av fiskeyngel.
- Bruk av motorfarkost på vatnet er forbode, også vinterstid på isen. Forbodet gjeld ikkje ambulansekøyring.
- Innanfor området er det forbod mot all dyrking.
- Naturlig beite er lov som før, men det er forbod mot tilrettelegging av beite som tilskotsforing, utlegging av saltstein etc.
- Skogsdrift kan tillatast innanfor området. Bruk av plantevernmiddel eller gjødsel er forbode.
- Det er forbode med all bading i vasskjelda.
Kvifor må vi passe på drikkevasskjeldene?
- Vassbehandlingsanlegga kan svikte.
- Vassbehandlingsanlegga er rigga for eit forventa nivå på kvaliteten på råvatnet.
- Dei fleste vassbehandlingsanlegg er ikkje bygd for å fjerne kjemisk forureining.
- Det er behov for ein buffer mot nye ikkje kjente truslar og nye sjukdomsframkalla organismar (patogen).
- Dersom vi over tid forureinar drikkevasskjelda, vil vi trenge meir vassbehandling med ekstra og dyrare tiltak enn i dag.
Kjelde: Norsk vann