Gravemelding

Dersom du skal grave i bakken, treng du å finne ut kvar det allereie er røyr og kablar grave ned, og du utarbeider då ei gravemelding.

Kort fortalt

Før du grev i, nær eller inntil offentleg veg må du ha løyve. 
Du må sende inn ei gravemelding for å sikre at for eksempel strømkablar, telekablar, fiberkablar, fjernvarme, vatn- og avløpsleidningar ikkje blir øydelagde.

Kva blir rekna som kommunal veggrunn?

Kommunal veggrunn er all veggrunn etter veglova § 1, som er open for alminneleg ferdsel og blir vedlikehalden av Haram kommune. 

Kommunal veggrunn er i denne samanhengen også inkludert privat grunn som blir disponert av kommunen til veg- og trafikkføremål. Som veg reknar ein også fortau, snuplass, opplagsplassar, haldeplassar, parkeringsplassar, bruer, grøntanlegg, veggrøfter og anna som står i samband med veg.

Krav til søkar

1. Før du søker

Sjekk kva som blir kreve for området før du grev, og følg gjeldande instruksar.

Skal du grave i privat område som ikkje er nærare den kommunale vegen enn 3 meter?

Korleis skaffe oversikt over eventuelle ledningar i ditt graveområde?

Nokre leidningseigarar er tilslutta den kommunale gravemeldingstenesta, og nokre får denne tenesta levert av kommersielle aktørar. Fleire kabeletatar er tilslutta Geomatikk si løsing. Andre leidningseigarar må kontaktast direkte for informasjon om leidningstrasè.
Søknad må sendast begge stadar for fullgod informasjon om leidningar i bakken.

Skal du grave i, eller i nærleiken av, kommunal veg?

Reglar og retningslinjer for graving i offentleg veggrunn finn du nedanfor. Der det ikkje er samsvar mellom forskrift og instruks, er det forskrifta som gjeld.

Sjå ledningsforskrifta
Sjå instruks for gravearbeid på det kommunale vegnettet (Ålesund kommune)

I tillegg til eit løyve om å få grave eller legge ned noko i vegen, må ein alltid ha ein godkjent plan for varsling og sikring av det arbeidet som skal gjennomførast.

Skal du grave i, eller i nærleiken av, fylkes- eller riksveg?

Statens vegvesen handterer søknader om arbeidsvarsling, graving og nærføring til riksvegane.

Fylkeskommunen handterer søknader om graving og nærføring til fylkesvegane.

Søknad om arbeidsvarsling på fylkesvegane er det Statens vegvesen som handterer, men eit løyve frå fylkeskommunen på graving eller nærføring må leggast ved søknaden.

Skal du grave i friområde eller vegskråning?

Unngå spreiing av planteartar

Når det blir grave og jordmasser blir flytta, må ein passe på at ein ikkje spreier uønska, framande planteartar.

Jordmassar og plantemassar infisert med framande artar skal handterast på ein forsvarleg måte i samsvar med § 28 Aktsemdsplikta i Naturmangfaldlova og Forskrift om framande organismer.

Når eit arbeid blir planlagt skal området undersøkast for uønska framande planteartar.

Bingsa er eit godkjent mottak for både plantedelar og jordmasser infisert av uønska planteartar. Andre deponiplassar kan også vere godkjent om det følger premissa for forsvarleg handtering av dei aktuelle plantane.

Skal du arbeide i nær tre?

Vi har som mål å sikre Haram kommune sine tre.

Når det skal gravast eller arbeidast nær tre skal det bli tatt omsyn til røter, stamme og trekrone. Vi vil unngå å svekke livslengda på trea, skape risikotre eller gjere dei sårbare for sjukdom og skadedyr.

Alt gravearbeid skal skje utanfor trekronene si ytre avgrensning (dryppsona), og minst 5 meter frå stammen. Avhengig av topografi og opne plenareal med tre kan kravet om avstand vere større. Graving innanfor ei 20 meters omsynssone skal utførast i samråd med forvaltningseininga. Gravearbeid under trekrona skal utførast med luftspade, eller andre metoder etter avtale.

Om det er grunn til å tru at grunnen er forureina