Tilsyn og kontroll med næringsverksemd

Badeanlegg som er tilgjengelege for allmennheita, herunder bassengbad, badstu, boblebad og dusjanlegg tilknytt desse, skal ha tilfredsstillande helsemessige og hygieniske forhold. Dei skal vere utforma slik at ein førebygger ulykker. Personalet skal ha opplæring i personsikkerheit, og det skal utarbeidast instruksar for brukarane. Det skal takast jamnlege prøver av vasskvaliteten i bassengbad.

Før badeanlegg blir tatt i bruk og ved endringar i drifta skal eigaren av anlegget legge fram for kommunen melding med vurdering av alle forhold som kan ha innverknad på helse, hygiene eller sikkerheit for brukarane ved drifta av anlegget. Dette blir regulert av forskrift for badeanlegg, bassengbad og badstove. 

Meld om badeanlegg 

Lover og reglar

• Folkehelsoven 
• Forskrift om miljørettet helsevern 
• Smittevernloven 
• Forskrift for badeanlegg, bassengbad og badstu mv.

Kommunen skal godkjenne og føre tilsyn med miljøet i alle barnehagar og skular etter forskrift forskrift om helse og miljø i barnehager, skoler og skolefritidsordninger. 

Kommuneoverlegen skal godkjenne nye barnehagar og skular, og dessutan rehabiliteringar, tilbygg/tilleggsareal og mellombelse lokale. Godkjenningsprosessen består av to trinn: 

1. Plangodkjenning 
   Planar for nye barnehagar/skular og større endringar av eksisterande verksemder, skal førehandsgodkjennast av kommunen. 
   Søk om plangodkjenning av lokale og uteområde 
2. Driftsgodkjenning 
   Når barnehagen/skulen har oppstartsdato klar, skal miljøretta helsevern kontaktast (per telefon eller e-post), slik at det kan avtalast dato for tilsyn. Ved tilsynet vurderer ein drift og internkontrollsystem for verksemda opp mot krava i forskrifta. I tillegg skal verksemda fylle ut ein søknad om driftsgodkjenning. Når eventuelle avvik funne ved tilsynet og i søknaden er retta, kan verksemda få endeleg godkjenning etter forskrift om miljøretta helsevern i barnehagar og skular mv. 
3. Barnehage og skole: 
   Søk om driftsgodkjenning for barnehage og skule
4. Dagmamma: 
   Søk om driftsgodkjenning som dagmamma  
   Dagmamma - sjekkliste for inneområde (PDF, 15 kB)  
   Dagmamma - sjekkliste for uteområde (PDF, 16 kB)   

Tilsyn

Kommunen har ansvar for å føre tilsyn med barnehagar og skular. Rådgivar planlegg og gjennomfører tilsyna, eventuelt i samarbeid med kommuneoverlegen.

Ved tilsyn blir det vurdert om verksemda er etablert, blir driven og vidareutvikla i samsvar med forskriftskrava.

Alle verksemder som jobbar med behandling og pleie av hår eller hud må følge hygieneforskrifta. Målet er å sikre tilfredsstillande hygieniske forhold og førebygge overføring av smittsomme sjukdommar. 

Lokale til frisør- og hudpleieverksemd og solarium  skal meldast til kommunen:

• før lokala blir tekne i bruk
• ved eigarskifte
• ved større endringar og utbyggingar

Hudpleie omfattar behandling av hud og negler med preparat, instrument eller apparatur, under dette solarium, hårfjerning og massasje som aromaterapi og soneterapi.

Frisørverksemd omfattar all behandling og pleie av hår, også barbering.

Les meir om krava for å eige og drive solarium på nettsida til Direktoratet for strålevern og beredskap (dsa.no)

Slik søker du

Du melder eller søker godkjenning for verksemda ved å fylle ut skjema på Nemko Norlab sine nettsider:

Melde- og godkjenningsskjema for frisør-, hudpleie-, tatoverings- og holtakingsverksemder 

Om søknadsprosessen

Etter at vi har mottatt søknaden får de svar innan tre veker om når vi kan komme på tilsyn. På tilsynet ser vi på lokala, utstyret og dei skriftlege rutinane.

Nokre veker etter tilsynet får de ein rapport om kva vi fann under tilsynet. Dersom det er avdekt avvik frå hygieneforskrifta, vil du få tilsendt eit enkeltvedtak som seier kva som må rettast før verksemda kan starte opp.

Moglegheit til å klage 

Om du er misfornøgd med vedtaket, kan du klage til kommunen innan ein frist på tre veker frå du fekk brevet. Forklar kva du er misfornøgd med og kvifor du meiner vedtaket bør endrast. Dersom du treng rettleiing, kan du ta kontakt med kommunen. Om kommunen opprettheld avgjersla, blir saka sendt vidare til Statsforvaltaren, som avgjer om klagen skal takast til følge.

Alle verksemder som har kjøletårn eller luftskrubber skal ved oppstart, ved vesentlege endringar, og deretter kvart femte år, sende kommunen ei vurdering av anlegget som er utført av eit akkreditert inspeksjonsorgan. 

Meld om kjøletårn og luftskrubbar 

Eigar av verksemda har ansvar for at drifta og reinhaldet er forsvarleg. Kommunen fører tilsyn med at lovverket blir følgt.

Lover og reglar

• Forskrift om miljørettet helsevern kapittel 3a
• Legionellveileder (FHI)