Jordbruk og skogbruk

Nordre Sunnmøre landbrukskontor skal medverke til gjennomføring av den nasjonale landbrukspolitikken gjennom informasjon om og forvaltning av verkemiddel. Kommunen skal også bidra til gjennomføring av lokalt tilpassa tiltak.

Kort fortalt

Interkommunalt landbrukskontor for Haram, Sula, Ålesund og Giske kommunar.
Landbrukskontoret sine oppgåver er forvaltning knytt til særlovene i landbruket, som jordlova og konsesjonslova.
Vi har forvaltning av tilskotsordningane innan jord- og skogbruk.
Landbrukskontoret har også ansvar innan område som omfattar miljø, viltforvaltning og ulike tiltak innan skogbruk, samt bygdeutviklingssaker.

Kva gjer landbrukskontoret?

Vi behandlar og avgjer søknader om tilskot innan jord- og skogbruk.
Vi behandlar saker innan deling og konsesjon og legg det fram for politisk behandling når det er nødvendig.
Forvaltning av tilskot innan jord- og skogbruk.

Kven kan få hjelp?

Vi hjelper alle produsentar innan jordbruket og grunneigarar av landbrukseigedommar. Elles tilbyr vi rådgiving til publikum generelt.

Tenester

Eigedom

Landbruksforvaltninga har eit ansvar innanfor forvaltning av eigedomar som ligg i landbruks- nærings- og friluftsområde (LNF-område) i arealdelen av kommuneplanen.

Vi saksbehandlar saker etter konsesjonslova og jordlova, og gir uttale i alle dispensasjonssaker og plansaker i LNF-område etter plan- og bygningslova.

Oppgåver knytt til eigedom:

Jordbruk

Landbrukskontoret har ansvaret for ei rekke tilskotsordningar og behandling av søknader etter fleire forskrifter.

Vi har ansvar for å halde eksamen for autorisasjon for plantevern og tiltak mot smågnagarar. Vi skal og godkjenne yrkesbehov for kjøp av handelsgjødsel.

Skogbruk

Skogbrukstenesta skal sikre at skogen sine ressursar blir behandla på ein best mogleg måte for alle partar. Utfordringane ligg i å nytte eksisterande skog og samtidig etablere ny skog for framtida. Skogtenesta omfattar rettleiing, planlegging samt kontrollfunksjonar innan skogbruket.

Søknadsprossess

Søknad om tilskot til skogkultur, vegbygging eller miljøtiltak i skog må fyllast ut i skjema utarbeidd av Landbruks- og matdepartementet.

Ved søknad om tilskot til drift med taubane, hest mv. eller andre tiltak i skogbruket må du kontakte kommunen for å få informasjon om søknaden.

Gå til Landbruks- og matdepartementet sitt søknadsskjema

Vilt

Skadefelling av grågås

Her kan du som er påført skade av grågås søke kommunen om skadefelling tidleg på våren.

Du må kunne dokumentere skade på landbrukseigedom av ei viss økonomisk tyding og ha gjort førebyggande tiltak før du søker.

Førebyggande tiltak kan vere skremming, gjerde mot sjø, eggplukking (grunneigar eller andre med løyve frå grunneigar) eller andre førebyggande tiltak.

Ta kontakt med landbrukskontoret slik at skaden kan takserast før det blir gitt skadeløyve. Kontaktinformasjon finn du nedst på sida.

Søk om løyve til skadefelling av grågås

Dersom du får løyve til å felle skadegås, må du innan ein gitt frist rapportere om kor mange fellingar som er gjort. Fristen står spesifisert i vedtaket du får. Rapporteringa skal skje via digitalt skjema.

Her kan du rapportere om felling av skadegås

Kontakt Nordre Sunnmøre landbrukskontor

Vi held til i Haram tenestehus, besøksadressa er Strandgata 40, 6270 Brattvåg.
Det vil vere mogeleg å avtale gardsbesøk og møte på tenestehusa i dei ulike kommunane.

Post til Nordre Sunnmøre landbrukskontor

Brevpost: Postboks 33, 6282 Brattvåg
E-post: postmottak@haram.kommune.no

Kontaktpersonar og fagområde

Sissel Flagestad - landbrukssjef

Jakob Nikolai Andersen Hustad - Rådgivar landbruk

Beathe Alvestad - Rådgivar landbruk

Simon Åsheim - Rådgivar skog og vilt

Kårstein Haram - Rådgivar

Nyttige lenker

Publisert 17.08.2023 14.35

Sist endra 14.01.2026 14.58