Transporttenesta for funksjonshemma er ei fylkeskommunal ordning, der oppgåva med å behandle søknadane, samt innmelding og utmelding av brukarar er gitt til kommunane. Retningslinjene blir vedtatt av Samferdselsutvalget i Møre og Romsdal. 

Du kan lese meir om ordninga på Fylkeskommunen sine sider:
Møre og Romsdal fylkeskommune - TT-ordninga

Kven kan få tilbodet?

• Personer som grunna si funksjonshemming er varig forflytningshemma og derfor har vanskar med å reise kollektivt, kan søke om TT-kort. 
• Funksjonshemminga må vare i minst 1 år for at søkarern skal bli godkjent som TT-brukar.
• Rullestolbrukarar og blinde har førsteprioritet.
• Retningsgivande alder nedover er 10 år. Det er ikkje noko øvre aldersgrense.
• Manglande busstilbod eller lang avstand til busshaldeplass gir ikkje rett til TT-kort.

Kva får du?

Godkjente brukarar får eit kort som skal nyttast som betalingsmiddel ved bruk av drosje. Kortet blir lasta opp med eit kronebeløp, ut frå satsar som er bestemt av Samferdselsutvalget i Fylket.
Opplasting tildelt beløp på kort skjer 1. januar og 1. juli kvart år.

Kva kan du bruke kortet til?

TT-kortet skal kun brukast til fritidsreiser.

Du skal ikkje bruke TT-kortet til:

• Sjuketransport.
• Legebesøk.
• Andre reiser som blir dekt av NAV eller andre offentlege myndigheiter.

Slik søker du

• Fyll ut søknadsskjema:
  Skjema for søker - for utskrift og utfylling på papir
  
  Informasjon til deg som søker om TT-ordning
   
• Fastlegen din, fysioterapeut eller ergoterapeut må fylle ut ei erklæring:
  Skjema for legeerklæring- for utskrift og utfylling på papir
  
  Informasjon til lege/fysio- eller ergoterapeut om utfylling av legeerklæring til TT-ordning
  
  Her finn du også skjema for søknad og og skjema for legeerklæring samla i eitt dokument:
  • Skjema for søker og skjema for legeerklæring - utfyllbar PDF
  • Skjema for søker og skjema for legeerklæring - utfyllbar Word
     
• Skjema med erklæring sender du til Haram kommune:
  Haram kommune, 
  Postboks 33
  6282 Brattvåg

Ferdig utfylte skjema kan også leverast til innbyggarservice på Haram tenestehus.

Ta kontakt med tildelingskontoret for helse- og omsorgstenester eller med innbyggarservice i Haram kommune på telefon 70 20 75 00 for meir informasjon og hjelp til å søke.

Pris

Det er gratis å bli med i ordninga. Ved tap av kort kan ein få tilsendt eit nytt mot å betale kr 40,-.  Denne summen blir trekt frå det tildelte beløpet. 

Frå og med 1. januar 2024 må du betale ein eigendel på kr. 40,- per tur. Eigendelen kan ikkje trekkast frå kortet, den skal betalast separat.

Klage

Eventuell klage skal rettast til Haram kommune og blir behandla av kommunalt klageorgan. Klagefristane er 3 veker frå vedtaket er mottatt, jfr. forvaltningslova §29.

Informasjonsskriv om nye retningslinjer (Møre og Romsdal fylkeskommune) (PDF, 315 kB)