Informasjon til deg som bur i kommunal bustad

• Husleige skal betalast den 20. kvar månad. Bruk kontonummer og KID-nummer som står i fakturaen.
• Det kan være lurt å opprette avtalegiro. Då veit du at husleiga blir betalt i tide. Banken din kan hjelpe deg med å opprette avtalegiro.
• Om du ikkje har fått faktura må du kontakte Innbyggartorget .

Dersom du treng å søkje økonomisk hjelp for å få betalt husleia, kontakter du ditt lokale NAV-kontor.

Når du leige kommunal bustad, har du ansvar for å overhalde husordensreglar. Husordensreglane skal bidra til at du og naboane dine trivst, og forhindre skade på eigedomen. Bur du i eit borettslag eller sameige, er det deira reglar som gjeld.

1. Føremål

Husordensreglane skal bidra til eit trygt og godt bumiljø og forhindre skade på eigedomen gjennom orden, reinhald og god oppførsel. Bustaden må ikkje brukast på ein måte som sjenera andre. Alle leigetakarar er ansvarlege for at husordensreglane til ei kvar tid vert følgd.

2. Fellesareal, oppbevaring og avfallshandtering

Alle eigedelar skal plasserast i bustaden og/eller på tilvist stad, til dømes i bod. Gardsrom, trapperom, loft, kjellar og gangar skal til ei kvar tid vere ryddige, framkomelege og reine. Køyretøy og barnevogner skal parkerast på tilviste plassar, slik dei ikkje hindrar vanleg passasje og trafikk.

Kast hushaldningsavfall i rett container/søppeldunk som høyrer til eigedomen. Anna avfall som gamle møblar og liknande må du køyre vekk sjølv. Dersom dette vert plassert i/ved bustaden vert det kasta utan varsel og for eigar si (di) rekning.

Bebuarar må ta vare på plen, planter, benkar eller anna utstyr som høyrer til eigedomen slik dei ikkje blir skadd. Det er ikkje lov å riste tepper frå balkong/veranda.

Der det er satt opp vaskeliste skal alle som bur i oppgangen vaske gang og trapper i fellesarealet.

3. Bustaden

Bustaden skal haldast rein og ryddig, både for eigen trivsel og for bevaring av bustaden. Sørg for god lufting ved opning av vindauge og ventilar, særleg ved klestørk inne, men også elles. Ved skadeverk av manglande lufting og liknande må den enkelte bebuar dekkje reparasjonskostnadar.

Som leigetakar har du ansvar for innvendig vedlikehald av bustaden. Framleige er ikkje tillat.

4. Ro

Det skal vere nattero mellom klokka 23.00 og 07.00 og gatedør skal vere stengt. Det skal ikkje nyttast vaskemaskin eller anna utstyr som lager søy i dette tidsrommet. Demp lyden av TV, radio og musikkanlegg. Nattero er eit vesentleg trivselmoment som vi ber alle om å respektere.

Vis alltid omsyn til naboane! Ikkje lag sjenerande støy som forstyrrar.

5. Dyr

Leigetakar kan berre ha dyr i bustaden når løyving er gitt av huseigar. Hundar skal alltid vere i band utanfor bustaden. Ingen dyr skal opphalde seg i fellesareal utan tilsyn.  Avføring frå dyr skal plukkast opp straks og kastast i lukka pose i avfallsdunk. Dersom husdyr er til sjenanse eller skade, kan huseigar krevje at dyrehaldet vert avvikla. Det er forbod mot å mate dyr og fuglar frå veranda og/eller vindauge.

6. Brot på husordensreglar

Husordensreglane er ein del av husleigekontrakta og skal følgjast. Det er oppfordra om å melde frå om brot på husordensreglane for å sikre eit godt bumiljø for alle leigetakarar.

Ved alvorlege brot på husordensreglane vil det bli sendt varsel til den det gjeld. Ved gjentakande bot og varslar vil leigekontrakta kunne bli heva.

Om det oppstår eit problem i den kommunale bustaden du leiger, ber vi om at du sjekkar i oversikta under for å sjå om dette er noko du sjølv har ansvaret for å utbetre, før du eventuelt kontaktar oss.

Ditt ansvar for vedlikehald

• Du må erstatte all skade på eigedomen som skuldast deg og din husstand. 
• Du har ansvar vedlikehald av bustaden innvendig utover normal slitasje. Du må betale for vedlikehaldet sjølv.
• Du er ansvarleg for snømåking, strøing og liknande arbeid, som for eksempel å halde arealet rundt bustaden ryddig.
• Alt vedlikehald skal utførast på ein forsvarleg og god måte.
• Du skal sørge for at bustaden til ei kvar tid er i same stand som ved innflytting. Med unntak av det som skuldast alminneleg slitasje. 
• Du har ansvaret for reinhald av bustaden din, og eventuell andel av fellesareal.
• Dersom ikkje anna er avtalt, er du pliktig til å vedlikehalde følgande:
  • Dørlåsar
  • Dusjforheng
  • Bytte av lyspærer
  • Reinhald og skifting av filter i kjøkkenventilator.
• Du pliktar å halde sluk, avløp og rør opne . Du må sørge for å få desse opna om dei skulle gå tett. Bruk MUDIN avløpsåpner ved behov. IKKJE BRUK PLUMBO. Sjå elles informasjon under punktet tenester du må betale for.
• Du har ansvar for at røykvarslarar og brannslukkingsapparat er i stand.
• Du har ansvar for vedlikehald av kvitevarer som ikkje er integrert
• Du har ansvar for TV-apparatet ditt, og må sjølv kontakte den som leverer TV-tenester til deg. 
• Du pliktar å halde bustaden oppvarma når det er fare for frost. Du er erstatningspliktig for skader ved frost som skuldast deg, eller andre i din husstand.

Brannsikkerheit

• Røyking og stearinlys: Det er ikkje lov å røyke eller bruke stearinlys innandørs. 
• Røykvarslar: Om røykvarslaren pip med jamne mellomrom må du bytte batteri. Du skal bytte batteri i røykvarslarane minst 1 gang per år.
• Brannsløkkingsapparat: Brannsløkkingsapparatet skal henge på veggen og vere godt synleg. Du må sjekke appratet med jamne mellomrom, minst ein gong i året. Sjekk at målaren på apparatet peikar mot det grøne området. Det er også lurt å snu på apparatet nokre gongar slik at pulveret flyttar på seg.

Sjå korleis du skiftar batteri i røykvarslar og kontrollerer brannslokkingsapparatet i denne videoen (Boligbygg Oslo KF).

Informasjon om brannvern på fleire språk (Norsk brannvernforening) 

Kjøkken

• Virkar ikkje komfyren? 
  • Sjekk om sikringa har gått.  Nokre sikringsskap har ikkje kapasitet til at du kan bruke alle kokeplatene og steikomnen samtidig. Skru av alle platene og steikomnen, vipp opp sikringa. Slå på att ei og ei plate, ikkje skru alle på fullt.
  • Har bustaden komfyrvakt? Om komfyrvakta pip må du trykke på knappen på komfyrvakta for å vise at du er til stades. Om du ikkje trykker på knappen, kuttar komfyrvakta straumen på komfyren din. Om det skjer må du skru av alle plater, trykke på knappen på komfyrvakta, og skru på komfyren igjen. Video om komfyrvakt (Boligbygg Olso KF)
• Virkar ikkje kjøkkenvifta? Dersom kjøkenvifta trekk dårleg kan det vere fordi den treng ein rens. Reingjer filteret som sit oppe i vifta og tørk og vask vekk feitt. Det kan løne seg å bruke Salmiakk, Zalo eller liknande.