Haram kommune har eit mål om å førebygge at elevar får høgt fråvær frå skulen, og har laga rutinar for dette arbeidet.
Opplæringslova (§10-6) gir kommunane skjerpa plikt til å følge opp elevane sitt skulefråvær. Haram kommune har rutinar som gjeld dette, og ein rettleiar for kva ein kan gjere når elevar har bekymringsfullt høgt fråvær.
Sentrale punkt frå rutinane:
- Fokus på størst mogleg nærvær i gode og trygge skulemiljø.
- Kvart skuleår består av 190 skuledagar. Dersom ein elev er borte 10 undervisningsdagar kvart skuleår, utgjer dette eit halvt års skulegang i løpet av grunnskulen. Dette vil vere uheldig for dei fleste elevar.
- Haram kommune har sett ei bekymringsgrense ved 10 % fråvær.
- Det skal vere høg terskel for å vere heime ved sjukdom (feber/oppkast) eller for å søke permisjon. Alt fråvær skal meldast til skulen.
- Oversyn over fråværet til den enkelte elev finn føresette i IST-Home- appen under «Meny- Fråværsstatistikk.»
- Kontaktlærarane tek rutinemessig kontakt med føresette ved bekymringsfullt fråvær.
- For elevar med ufrivilleg høgt skulefråvær, vil skulane be føresette om samtykke til å drøfte saka i kommunen sitt nærværsteam.
Ved søknad om permisjon:
Sist endra 07.02.2025 12.28