Samiske barn (barn av foreldre som står i eller har rett til å stå i samemanntalet) har rett til å få opplæring i samisk, samme kvar dei bur.
Kva inneber retten?
- Elevane (føresette) får velje kva for eit samisk språk dei skal ha opplæring i, – nordsamisk, lulesamisk eller sørsamisk.
- Elevane kan velje samisk som første- eller andrespråk.
- Skuleeigar må tilby alternativ opplæring (til dømes fjernundervisning) dersom det ikkje finst eigna personale.
- Undervisning i faget følgjer læreplanverket Kunnskapsløftet
- På barneskulen er det foreldre/føresette som avgjer om barna skal lære seg samisk, medan det er ungdommen sjølv som bestemmer dette frå og med 8. trinn.
- Elevane er fritekne frå framandspråk/språkleg fordjuping, men har rett til å velje ei slik fordjuping dersom dei ønsker det (på ungdomstrinnet).
Slik søker du
Ta kontakt med skulen din i god tid før skulestart.
Skulen treng å vite:
- kva for eit samisk språk det blir ønska opplæring på.
- om de ønsker opplæring i samisk som førstespråk eller andrespråk.
Meir informasjon
Retten til samisk opplæring (Utdanningsdirektoratet)
Kunnskapsløftet 2020 - samisk (Utdanningsdirektoratet)
Publisert 31.08.2023 10.00
Sist endra 13.10.2023 13.49