Pris og betaling for SFO

Prisar for SFO- skulefritidsordning frå 01.02.2024

12 timar gratis SFO
Regjeringa har innført 12 timar gratis SFO i veka for 1., 2. og 3. trinn. Dersom du berre vil nytte desse 12 timane, blir dette ein gratisplass. 

Haram kommune har valt å legge gratistimane til kvar dag rett etter at skuledagen er slutt. Det vil seie 2 timar og 24 minutt kvar dag etter skuletid. 

Det er ikkje mogleg å samle opp timane.

Om du har gratisplass og ønsker å nytte full dag i haust- eller vinterferie, må du betale halv dagpris per dag du nyttar.

For elevar på 1., 2. og 3. trinn som har 5 dagar, 4 dagar eller 3 dagar i SFO, blir prisen redusert med 12 timar. Dette fråtrekket skjer automatisk, og du vil sjå det på fakturaen. 
 

Familiar eller hushaldningar med lav inntekt kan søke om redusert pris for SFO-plassen.

Du kan berre søke om reduksjon i prisen på plassen. Du skal betale for 11 månadar, og kostpengar kjem i tillegg.

Alle barn i SFO som bur i hushaldningar med samla årsinntekt under kr. 658.717,-  kan ha rett til redusert foreldrebetaling i SFO.  

Du må søke om redusert foreldrebetaling og sende ny søknad kvart skuleår. For søknadar som kjem inn innan 1. august, vil reduksjon i foreldrebetalinga gjelde heile skuleåret. For søknadar som kjem inn frå og med 2. august vil reduksjonen gjelde frå neste heile månad. NB! Søknaden vil ikkje bli behandla før dokumentasjonen er fullstendig.

Alle med plass i SFO kan søke om redusert foreldrebetaling for plassen sin.

• Du må søke om reduksjon i prisen. Det er hushaldninga si brutto inntekt som blir lagt til grunn. Inntektsgrensa er sett til kr. 658.717,- for heil plass.
• Kostpengar kjem i tillegg og blir fastsett av styret/eigar for den enkelte SFO. Summen vil difor variere i dei ulike SFOane. 
• Det skal betalast for 11 månadar.
• Du kan søke for SFO-året 2024/2025 til og med 31.05.2025.

Søk om  redusert foreldrebetaling i barnehage og SFO

Vi har følgande rutinar:

• Faktura med krav om betaling blir sendt til deg i starten av kvar månad. Det kjem ikke faktura for juli.
• Betalingsfrist er den 20. kvar månad.  
• Haram kommune tilbyr betalingsordningar som avtalegiro og e-faktura.