Trygg overgang frå barnehage til SFO og skule

Å starte på skulen er ei stor hending i alle barn sitt liv. Barnehagane og skulane samarbeidar for at overgangen frå å vere barnehagebarn til å bli skuleelev skal bli trygg og god.

Haram kommune har laga ein plan for overgangen som skal sikre:

ein god samanheng og progresjon i opplæringa som varetar fagleg og sosial utvikling for barnet – det siste året i barnehagen og det første året på skulen
ein trygg skulestart for barn som begynner på 1. trinn og for deira føresette
tidleg innsats for barn med særskilde behov
gode rutinar for samarbeid mellom barnehagar, skular og SFO

Korleis førebu barna best mogleg til skulestart?

Ein god overgang for det enkelte barn føreset utvikling av gode og trygge rammer, samt gode verdiar og gode haldningar. Barnehage, skule og føresette bør samarbeide omkring det enkelte barn si utvikling og læring.

Kva skjer i barnehagen før skulestart

Barnehagen legg til rette for at barnet kan ta avskjed med barnehagen på ein god måte og gler seg til å byrje på skulen.

Barnehagen har eige pedagogisk opplegg for 5-åringane.

Alle foreldre/føresette blir invitert til foreldremøte på hausten siste året i barnehagen. Der får dei presentert prosedyre for overgang barnehage – skule, blir orientert om barnehagen sitt pedagogiske opplegg og får diskutere si eiga rolle og medvirkning i overgangen.

Det blir gjennomført overgangsmøte mellom barnehage og skule for dei barna som er greia ut av PPT eller som eventuelt har oppfølging gjennom andre instansar. Overføringsmøtet blir gjennomført etter ei eiga prosedyre.

Korleis kan føresette bidra

Du som føresett kan bidra ved å:

Samtale med barnet om kva tanker han/ho har om skulen, slik at barnet får realistiske forventningar til skulestart.
Snakke positivt om skulen og gå skulevegen saman med barnet.
La barnet få ei god døgnrytme med nok søvn og eit sunt kosthald.
Hjelpe barnet til å bli mest mogleg sjølvstendig i påkledning og ved toalettbesøk.

Kva skjer fram mot skulestart?

Førskuleopplegg i barnehagane.
Innskriving: Skulane sender ut invitasjon til innskrivingsdag, som vanligvis er i midten av januar. Dette er det første møtet med skulen.
Registrering: Skulane sender ut eit brev om kva skule barnet har fått reservert skuleplass på. Dette blir sendt ut i midten av januar. Føresette skal bekrefte eller gjere endringar digitalt.
Tilbod om skuleplass: Skulane sender ut eit brev med tilbod om skuleplass.

Publisert 04.09.2023 12.34

Sist endra 08.11.2023 19.22