Etablere og drive barnehage

Kommunen skal godkjenne og føre tilsyn med miljøet i alle barnehagar og skular etter forskrift forskrift om helse og miljø i barnehager, skoler og skolefritidsordninger. Dette gjeld også for mindre verksemder for barnepass (dagmamma).

Kommuneoverlegen skal godkjenne nye barnehagar og skular, og dessutan rehabiliteringar, tilbygg/tilleggsareal og mellombelse lokale.

Les meir om tilsyn og kontroll med næringsverksemd

Kommunen har ei rettleiingsplikt overfor barnehageeigarar som ønsker å etablere ny barnehage, utvide eksisterande drift eller ved andre endringar.

Når ein allereie godkjend barnehage gjer endringar av eit visst omfang, må barnehagen melde det til kommunen. Det er kommunen som avgjer om dette er ei endring som krev ny godkjenning. Viss ein barnehage flyttar til ein annan stad, vil endringane vere så store at den opphavelege godkjenninga ikkje er gyldig lengre, og barnehagen må søke på nytt.

Før ein barnehage kan settast i drift, må den godkjennast av kommunen. Kommunen avgjer søknad om godkjenning av barnehagar etter ei konkret vurdering av om barnehagen er eigna i forhold til føremål og innhald. Kommunen kan ved godkjenning sette vilkår for drifta med omsyn til talet på barn, barna sin alder og opphaldstid. Barnehageeigar forpliktar seg til å drive verksemda i tråd med gjeldande regelverk, både med omsyn til pedagogisk innhald, helse, miljø og sikkerheit. Krava er mellom anna:

• Barnehagen sine vedtekter skal gi opplysningar om føremål, opptakskriterier og opningstid
• For å sikre samarbeidet med barna sin heim skal kvar barnehage ha eit foreldreråd og eit samarbeidsutval
• Barnehagen skal føre internkontroll

Når barnehagen er godkjent og i drift, gjennomfører kommunen jamnleg tilsyn med at gjeldande lov og regelverk blir fulgt.

Informasjon og skjema for melding om endring i barnehagen (Utdanningsdirektoratet)

Barnehagen skal ha eit pedagogisk personale som er i tråd med barnehagelova sitt krav. Dersom barnehagen ikkje får kvalifiserte søkarar til styrar- eller pedagogstillingar etter offentlig utlysning, må barnehagen sin eigar/styrar søke om dispensasjon frå utdanningskravet. 

Forskrift om pedagogisk bemanning og dispensasjon i barnehager.

Søk om midlertidig dispensasjon frå utdanningskravet for pedagogisk leiar og styrar i barnehage. 

Private barnehagar som ønsker å etablere eller utvide etablert barnehagedrift må søke til Haram kommune om tilskot. Vedtak om tildeling av tilskot for nye barnehagar/nye barnehageplassar vert gjort politisk.

Satsar

Satsane for tilskot til drift av private barnehagar blir rekna ut frå gjennomsnittlege driftsutgifter i kommunen sine eigne barnehagar. Grunnlaget for rekninga er kommunerekneskapen to år før tilskotsåret. Tilskotssatsen blir indeksregulert med ein kommunal deflator.

Det blir rekna ein sats for barn under tre år og ein sats for barn over tre år. Barn blir rekna som under tre år i månadane januar til og med juli, og som over tre år i månadane august til og med desember.

Det skal reknast satsar for ordinære barnehagar og familiebarnehagar. Dersom Haram kommune ikkje har kommunale familiebarnehagar, blir det brukt nasjonale satsar for tilskot.

Kommunen skal fatte vedtak om sats innan 31.10. kvar år.

Tildeling

Kommunen skal fatte vedtak om tilskot innan 1. februar. Justert vedtak for perioden f.o.m. september t.o.m. desember skal fattast innan 1. oktober. Tilskot blir utbetalt forskotsvis kvart kvartal med avrekning på 2. og 4. kvartal.

Krav til den som mottek tilskot

• Rapportering i samsvar med lokale retningsliner for tildeling av offentlege tilskot
• Innsending av endringsmelding ved store aktivitetsendringar
• Følge krava om kvalitet i barnehage, planar og lovverk for barnehagar, forskrift om tildeling av tilskot til private barnehagar og lokale retningslinjer. Sjå «Forskrifter og retningslinjer».

Forskrift og retningsliner

• Forskrift om tildeling av tilskot til private barnehagar
• Lokale retningsliner for tilskot til private barnehagar (gjeld inntil ny blir vedtatt for Haram kommune) 
• Kvalitet i barnehage

Rapportering 1. september

Digitalt søknadsskjema for tilskot private barnehagar vert opna 19.08.2024, for rapportering av barnetal per 1. september 2024. 

Rapporteringsskjema for private barnehagar i Haram kommune dannar grunnlag for eventuelt nytt vedtak om kommunalt tilskot for månadane september-desember.

Det blir presisert at barnehagane skal rapportere barnetal per 1. september og dei barna som vart tekne inn ved hovudopptaket, har rett på plass og startar den månaden dei fyller 1 år (for barn født september-november).

Her finn du skjema for rapportering for privat barnehagar i Haram kommune

Søskenmoderasjon

Private barnehagar vil få refundert søskenmoderasjon etter rapportar tatt ut frå IST. Det er viktig at søsken ligg inne med same berekningsgrunn, InntektID 1 og rekningsmottakar til ein kvar tid.

Refusjonane vert utbetalt 2 gongar pr år, i juni og desember.