Det er viktig at du er ein trygg og stabil vaksen med både husrom og hjarterom. Besøksheim er eit frivillig hjelpetiltak og ei støtte til familiar som har særlege behov. Besøksheimen skal ikkje erstatte heimen til barnet hos dei biologiske foreldra.
Kommunen vil vanlegvis søke etter besøksheim når det er behov. Du kan òg ta kontakt med kommunen på eige initiativ.
Kven kan bli besøksheim?
Både einslege, par, barnefamiliar, eldre og yngre kan bli besøksheim i kommunen.
Det er ikkje krav om formell utdanning for å vere besøksheim. Det blir lagt størst vekt på at du er personleg eigna. Du kan gjerne ha eigne barn.
For å bli godkjend, må du legge fram tilfrestillande politiattest. Det kan òg bli krevd politiattest frå andre som bur eller oppheld seg i heimen.
Korleis bli besøksheim?
Om du har lyst å bli besøksheim kan du ta kontakt med barnevernet i Haram kommune på telefon 900 35 025 / 70 20 75 00 eller e-post ann.katrin.soleng.stephansen@haram.kommune.no
Vilkår
For å bli godkjent som besøksheim må ein legge fram politiattest i samsvar med reglane i Lov om barnevern § 12-11 Krav om politiattest.
Betaling/lønn
Besøksheim får godtgjering etter satsar vedtatt i kommunens sentralforbund (KS). Satsane blir regulert årleg.
For å få lønn må du fylle ut og sende inn timeliste og rapport for besøksheim.