Haram kommune har oppheva kokeanbefalinga for drikkevatn på Hildrestranda og Nordøyane. Nye vassprøver viser ingen bakteriefunn, og vatnet kan nyttast som normalt.
Bakgrunn for anbefalinga om koking av drikkevatn
Kokevarselet vart sendt ut etter at Ålesund kommune fann intestinale enterokokkar i ei prøve på Harøya. Sidan leidningsnettet heng saman med Haram kommune sitt nett, kunne ein ikkje utelukke tilsvarande funn også i Haram. Abonnentane på Hildrestranda og Nordøyane fekk difor SMS-varsling med anbefaling om koking av drikkevatn inntil nye vassprøver var tatt og analysert.
Kokeanbefalinga for abonnentar til Hildre vasslag vart oppheva torsdag 21.5. kl 19.40. Laurdag den 23. mai kl 12.42 vart anbefalinga også oppheva for abonnentar på Nordøyane. Varsel er sendt ut via SMS.