Longva barnehage

Longva barnehage ligg flott til midt på øya på Flemsøy/Skuløy. Her har vi naturen tett på, med gode høve til turar i skog, fjell og fjøre, som vi nyttar heile året til utforsking, leik og læring.

Longva barnehage

Barnehagen vart ny kommunal barnehage i Haram frå 1. august 2025, og har idag 15 barn frå 1-4 år, og ei personalgruppe med god fagleg kompetanse.

Uteområdet til barnehagen har flate område med sykkelvegar, som vert flittig brukt både med trehjuls-, tohjuls- og sparkesykkel. Vi har god plass til ballspel, og fleire klatrestativ og disser. Barnehagen har også ei flott grillhytte og grue, og ein stor akebakke som blir mykje brukt om vinteren.

Inneområdet har store leikerom, med god tumleplass for små og store barn. Her er ulike leikemiljø og eit stort puterom, med siler og skumputer til leik.

Barnehagen har plass til 40 barn, så her er det romsleg for store og små.

Barnehagen samarbeider tett med andre aktørar i nærmiljøet: omsorgssenter, bibliotek, butikk, kyrkje, skule, brannvesen og næringsliv.

Pedagogikk

I Longva barnehage skal alle kjenne seg velkomne og trygge, og vi legg vekt på å fremme eit inkluderande barnehagemiljø. Alle skal kjenne at dei høyrer til og at dei har ein verdi i fellesskapet.

Her skal alle få omsorg og bli møtt med tillit og respekt.

Arbeidsmåtane skal ivareta barna sine behov for omsorg og leik, fremje læring og danning og gi barna høve til å medverke.

Aktivitetane skal legge vekt på samarbeid og vennskap på tvers av barna sin alder, og gi barna felles opplevingar og sørge for at kvart enkelt vert sett, høyrt og anerkjent.

Vaksne skal skape ein god kultur, der vi skal framsnakke kvarandre, observere og handle, støtte, anerkjenne og rettleie i samhandling. Vi skal møte individuelle behov, sjå og lytte til kvart barn. Humor og glede skal også ha god plass i kvardagen vår.

Barn skal utvikle kunnskap og ferdigheiter innanfor alle fagområde i Rammeplanen gjennom:

UNDRING- UTFORSKING- LEIK- LÆRING

Opningstid

Kontakt

Sist endra 22.09.2025 12.08