Haram bygdebok

• Forfattar: Randi Ingunn Selnes
• Utgitt år: 2011
• Pris: 300 kr

Bandet omfattar gardane gnr 165 Kroksethagen (slektsnamn Hagen), gnr 166 Krokset (Krogset), gnr 167 Årset lille (Aarseth), gnr 168 Gjerset, gnr 169 Urkedal, gnr 170 Holmeset, gnr 171 Gryta (Grytten), gnr 172 Engeset og gnr 173 Uggedal, altså gardane på Grytastranda i Hamnsund sokn.

Randi Ingunn Selnes innleiar med ein grendesoge-del der ho seier litt om området, naturen og folketalsutviklinga i området og korleis folket levde her. Deretter tek ho for seg gard for gard og tun for tun i området, etter ein klassisk modell der ho gjev god og grundig informasjon om garden og folket som har budd der gjennom tidene. Dette 
 

• Forfattar: Randi Ingunn Selnes
• Utgitt år: 2016
• Pris: 550 kr (samla pris for band 2a og 2b)

Band 2 måtte omfangsmessig delast i to deler der del 2a omhandlar gnr 174 Hamnsund og gnr 175 Søvik med Søvikhagen, Søvikkleiv, Søvikreit og Søviknes, som er store gardsområde med mange eigedomar i dag.

Randi Ingunn Selnes innleier med ein grendesoge-del for både band 2a og 2b, som fortel ein del om utviklinga av Søvika og Gamlemsområdet som industristad – og tek deretter for seg gardane og busetnaden i Søvik-delen. 
 

• Forfattar: Randi Ingunn Selnes
• Utgitt år: 2016
• Pris: 550 kr (samla pris for band 2a og 2b)

Då band 2 vart for stort til å passe inn i berre ei bok, vart denne delen utgjeven som band 2a og 2b; der 2b omfattar gnr 176 Gamlem med Gamlemshagen, Gamlemsvik og Nyland, gnr 177 Gamlemshaug, gnr 178 Terøya, gnr 179 Torholmen/Buholmen, gnr 180 Bjørnøya og gnr 181 Store Kalvøy. 

Sidetalet startar på side 505 og viser at boka heng saman med band 2a, Hamnsund og Søvik. Grendesoga for dei to bøkene er samla i band 2a. 

• Forfattarar: Olav Myklebust (red), Stein Arne Fauske, Knut G. Flem
• Pris: 500 kr
• Utgitt år: 2019

Bandet omfattar gardane på Fjørtofta: Gnr 3 Nøre Fjørtofta med Kongsnes, gnr 3 Søre Fjørtofta og gnr 4 Oterleia (Otterlei) med Davika og Fuglevika. På Flemsøya/Skuløya er gardane: Gnr 6 Nogva, gnr 7 Rogne, gnr 8 Longva med Longvaneset, Longvastølen og Longvastranda, gnr 9 Flem og gnr 5 Støene – Ura (Uri).

Arbeidet med bygdebøkene for gamle Haram kommune vart starta opp av Stein Arne Fauske i 2007. Fauske valde ein annan innfallsvinkel til arbeidet, der slektsbiten vart bygd opp etter malen i dataprogrammet BSS – «Busetnadssoge» som tidlegare hadde vore brukt på bygdebøkene på Sula og i Volda. Fauske skreiv føreordet til dette bandet, som gjev ei god innføring i ulike kjelder og korleis bygdesamfunnet var oppbygd i eldre tid. Av ulike årsaker stoppa arbeidet med bygdeboka opp, og Stein Arne Fauske avslutta engasjementet sitt i 2017. 

Knut G. Flem vart utfordra til å ta på seg å skrive den generelle delen for Flemsøya/Skuløya, med vekt på den nyare utviklinga på øyane. I 2018 engasjerte Haram Bygdebok AS lokalhistorikaren Olav Myklebust til å fullføre bygdebokverket. Sidan grendesoge-delen for Flemsøya/Skuløya då var nærmast ferdig, vart det bestemt å engasjere Knut Flem til også å skrive den generelle delen for Fjørtofta, medan Olav Myklebust koordinerte innsamlingsarbeidet og sluttførte arbeidet med slektsdelen i bygdeboka, etter den malen som var lagt opp av Stein Arne Fauske. 
 

• Forfattarar: Olav Myklebust (red), Ivar Gunnar Braaten, Eldar Høidal
• Pris: 600 kr
• Utgitt år: 2022

Bandet omfattar på Haramsøya gardane: gnr 10 Ulla med Ullahammaren og Kvernholmen, gnr 11 Austnes, gnr 12 Myskja, gnr 13 Åkre og gnr 14 Haram. På Lepsøya er desse gardane med: gnr 15 Omnen – Hellevika, gnr 16 Sæt, gnr 17 Kjerstad med Prestegarden, gnr 18 Farstad, gnr 19 Rønstad, gnr 20 Lausund og gnr 21 Lauka (Løken).

Arbeidet med bygdeboka fekk ein ny stopp, då Olav Myklebust vart valt til ordførar i Sande hausten 2019. For å halde arbeidet i gang, vart løysinga likevel at han tok på seg å koordinere innsamlingsarbeidet til slektsdelen og framleis stå som redaktør for bygdebøkene, medan Haram Bygdebok inngjekk avtale med Sunnmøre Museum (Viti) for å fullføre dei generelle delane av bygdeboka. Ivar Gunnar Braaten fekk slik ansvaret for grendesoga på Haramsøya, medan Eldar Høidal hadde ansvaret for Lepsøya. 
 

• Forfattar: Olav Myklebust (red), Ivar Gunnar Braaten
• Utgitt år: 2024
• Pris: 600 kr

Arbeidet med band 5 og 6 føregjekk parallelt, då ein var usikre på korleis fordelinga mellom desse banda ville bli omfangsmessig. Til slutt viste det seg at det var mest hensiktsmessig å gje ut Hildrestranda som eige band. 
Dette bandet omfatta då gardane; gnr 22 Skjeltene, gnr 23 Hurla (Hurlen) med Ryssgard, Røvreiten, Sandvika og Risneset, gnr 24 Hildre med Hildrestranda, gnr 25 Hildremyra, gnr 26 Alvestadreiten (Reiten), gnr 27 Alvestad med Kvithaugen og Solbakken, gnr 28 Synnaland (Sønderland) med Røholmen fyr og gnr 29 Årsundet - Hansgarden. 
Fleire av tuna på dei to siste gardane litt i dag inne i Brattvåg sentrum – men sidan dei historisk var ein del av Hildrestranda, er slekta på dei gamle gardane tekne med i dette bandet.

Ivar Gunnar Braaten hadde ansvaret for grendesoge-delen på Hildrestranda. 
 

• Forfattar: Olav Myklebust (red), Eldar Høidal
• Utgitt år: 2024
• Pris: 700 kr

Brattvåg er i ei særstilling i dette bygdebokverket, sidan framveksten av industrien og busetnaden kring denne har vakse fram dei siste 100 åra. Før dette var området utmarksområdet til gardane Synnaland og Årsundet, og vart rekna som ein del av Hildrestranda. Det er også bakgrunnen for at slektene på dei gamle gardsbruka her er tekne med i bandet for Hildrestranda.
Brattvåg-bandet har fått ein eigen struktur, ved at ein følgjer busetnaden etter vegadresse. Ein startar gjennomgangen på Synnalandsneset og går sørover.

Eldar Høidal har hatt ansvaret for historia om framveksten av Brattvåg i denne sogeboka. Band 6 kom ut 2024, saman med bandet for Hildrestranda, band 5.